a bainbod tals
Dis da cultura da Samedan
2018
Il festival da teater in Engiadina
Quist an ho lö nos festival dals 9 als 12 avuost. Per la prüma vouta vainsa decis da realiser ils Dis da cultura da Samedan in sela cumünela da Samedan e na pü sülla plazza davaunt la culissa fantastica da la Chesa Planta. D'üna vart per motivs finanziels, da l'otra vart saron nossas spectaturas e noss spectatuors tuot cuntaints da nu pü stuvair dschler scu ils 4 ans passos.
La listessa scu fin uossa resta però nossa politica da predschs: Eir scha'ls predschs d'entreda per nossas rapreschantaziuns sun ieus ün mielin insü, schi es que aunch'adüna noss'intenziun da'ls tgnair uschè bass scu pussibel. Quecò fains nus per promouver la cultura e per creer ün'atmosfera intima traunter il public e'ls artists.
Sch'Els/Ellas vöglian sustgnair in möd supplementer nos festival, schi ch'Els/Ellas s'annunzchan per plaschair scu fautur(a) cul seguaint linc: http://www.drauff.ch/kontakt/ (remarcha: Fautur(a)).
(Siand cha nossa societed DIS DA CULTURA es ufficielmaing delibereda da las impostas, vela il listess eir per las contribuziuns da fautuors.)
Cò vo que tar las fotografias dals DIS DA CULTURA DA SAMEDAN 2017
Grazcha per Lur visita!
PROGRAM
RESERVAZIUN
Per reservaziuns e bindels da festival per plaschair as drizzer a la cassa da saira u a Samedan Tourist Information,
tel.: 081 851 00 60 ( a nu do plazzas numeredas ).
Cuosts:
singulas rapreschantaziuns: Iffaunts fin 15 ans CHF 10.--, iffaunts a partir da 16 ans e creschieus da CHF 25.-- fin CHF 30.--
bindè da festival: CHF 100.-- ( tuot las rapreschantaziuns inclusas, cun excepziun dals concerts da Marice Steger )
Giubileum da 5 ans
Quist an festagian ils Dis da cultura da Samedan lur giubileum da 5 ans. Ma que nun es auncha tuot: 3 oters giubilers faun als 12 avuost 2018 part a nossa festa per la finischun dal festival.
Nus vains grand plaschair cha que es reuschieu da reunir quists trais giubilers – la Fundaziun de Planta, l’Archiv culturel d’Engiadin’Ota ed mpc music production center – per festager lur giubileum insembel cun nus, da bell’ora in l‘üert da la Chesa Planta, da trid’ora in sela cumünela. I’l ram da las festiviteds daro que ün brunch da purs e natürelmaing diversas producziuns artisticas. Ün di grandius per tuot la famiglia.
Dapü suot il linc DUMENGIA 12 AVUOST 2018
nus ingrazchains cordielmaing a noss sponsUors
PARTENARI MEDIAS: POSTA LADINA
PARTENARI TECHNIC: MPC MUSIC PRODUCTION CENTER
COOPERAZIUN DA FESTIVAL CUN: ENGADIN FESTIVAL
ULTERIURS SPONSORS/PARTENARIS:
ST.MORITZ KULTUR - VSCHINAUNCHA DA SCHLARIGNA - VSCHINAUNCHA DA BEVER - BIBLIOTECA ENGIADINAISA - FORUM ENGADIN - ALLIANZ - RAIFFEISEN - HOTEL RESTAURANT CENTRAL SAMEDAN - HOTEL RESTAURANT CRUSCH ALVA SAMEDAN
SPONSORS DALLA PRODUCZIUN "GWUNDRIG" /"BUONDER CUN CORNAS":
ST.MORITZ KULTUR - BIBLIOTECA ENGIADINAISA - WILLI MUNTWYLER-STIFTUNG - PRO JUVENTUTE OBERENGADIN - KIWANIS CLUB ST.MORITZ / OBERENGADIN - VSCHINAUNCHA DA SCHLARIGNA - SCHINAUNCHA DA SILAPLAUNA - VSCHINAUNCHA DA BEVER -
SUPPORT:
FUNDAZIUN DE PLANTA
ARCHIV CULTUREL D'ENGIADIN'OTA
MPC MUSIC PRODUCTION CENTER