retrospectiva 2016
Gövgia, ils 4 avuost 2016
Avertüra ufficiela cun rapreschantaziun da Surpraisa a las 20.00
Il vasch d’öli
da Luigi Pirandello (1923)
Gövgia, ils 4 avuost 2016, a las 20.30
Murbigns e schnöss peran culla prüm’öglieda dad esser ils attributs da quist töch da teater populer siciliaun, i’l quêl il vaschler, Zi Dima Licasi, prouva cun da las tuottas da cumader cun sieu kit müravglius il vasch d’öli dal possessur rich d’ün bain, Don Lolo. Don Lolo vaiva cumpro be d’incuort quist vasch d’öli per la racolta d’olivas, e già eira’l ieu ruot. Chi so, scha que gratagia al vaschler da’l cumader?
Que vegnan El/Ellas a savair a la saireda d’uvertüra dals Dis da cultura da Samedan 2016, cur cha la Societed dramatica da Samedan rapreschainta quista cumedgia, chi tratta il tema da la vardet e dal dret.
traducziun rumauntscha:
(vallader) da Jachen C. Arquint dal 1975
miss in puter da:
Andrea Urech dal 2014
adatto pel palc suot tschêl aviert:
Societed dramatica da Samedan, 2016
acturas ed actuors:
Lawrence Beriger, Sabina Clösters, Aline Guidon, Andrea Gutgsell, Arno Lazzarini, Thomas Nievergelt, Ruth Oprandi Brunold, Ausillia Pelacchi, Lorenzo Polin
suflösa
Flavia Florin
costüms
Ladina Niggli
redschia
A. Gutgsell, S. Clösters, L. Polin
scenaria:
Madlaina Fontana
Gövgia, ils 4 avuost 2016 | a las 20.30 | entreda a partir da las 19.30 | predsch: CHF 25.--
Iffaunts fin a 12 ans sun cordielmaing invidos da la societed DIS DA CULTURA.
Reservaziuns: Samedan Tourist Information Tel.: 081 851 00 60
Venderdi, ils 5 avuost 2016
DIE DREI ???
Cu mê riva üna mumia da 3000 ans da scutter?
Venderdi, ils 5 avuost 2016, a las 18:45
Ils trais giuvens detectivs Justus, Peter und Bob sun persvas cha que nun es pussibel e decidan da scuvrir quist misteri. Ils actuors da DRAUFF imprastan lur vuschs a las figüras e mainan ad Els e Lur iffaunts in ün’istorgia preletta plain tensiun e variaziun. Ün’istorgia per tuot la famiglia.
(iffaunts a partir da 7 ans)
Cul amiaivel permiss da la chesa editura Kosmo ed il label EUROPA
Concept e direcziun:
DRAUFF (Marina Kuc)
Venderdi, ils 5 avuost 2016 | a las 18.45 | entreda a partir da las18.15 | predsch: CHF 25.-
Iffaunts fin a 12 ans sun cordielmaing invidos da la societed DIS DA CULTURA.
Reservaziuns: Samedan Tourist Information Tel.: 081 851 00 60
MATILDA
Che ans fo dvanter ün individuum?
Venderdi, ils 5 avuost 2016, a las 20.30
Già l’an passo ho Myriam Gurini preschanto sieu töch „Quatter“, chi d‘eira gnieu prodüt bel ed aposta per nos festival da cultura unic. Il töch ho survgnieu bgera resonanza positiva. Que ho intimo e motivo a l’Engiadinaisa da creer – insembel cun sia collega Reut Nahum – ün töch tuottafat speciel chi tratta il tema „Reflex dal spievel“.
L’inspiraziun pel nouv proget d’eira la vita svess cun sias dumandas repetitivas: Che ans fo dvanter ün individuum? Che es la differenza traunter te e me? Nun essans nus insè tuots listess?
Forsa nu saun ellas respuonder a quistas dumandas, ma ellas laschan discuorrer il sot, adüna cul böt da fer cuntschaint il sot creativ contemporaun al public engiadinais.
Sot e coreografia:
Reut Nahum & Myriam Gurini
Concept e direcziun:
Myriam Gurini in collavuraziun cun Reut Nahum
Venderdi, ils 5 avuost 2016 | a las 20.30 | entreda a partir da las 20.15 | predsch: CHF 25.-
Iffaunts fin a 12 ans sun cordielmaing invidos da la societed DIS DA CULTURA.
Reservaziuns: Samedan Tourist Information Tel.: 081 851 00 60
Sanda, ils 6 avuost 2016
LILLITH
il spectacul ambulant da parevlas
Sanda, ils 6 avuost 2016, a las 18.45
Ün bus as transmüda in üna barcha, üna matta in ün giuvnot, l’ester in ün dachesa. E che dvainta da nus?
Nus accumpagnains a Lillith, da la vschinauncha muntagnarda da sia infanzia a la riva d’üna giuventüna narra e da lo sülla barcha da parevlas. Lo decidan il vent e l’ora, inua cha la barcha vo, ed illas profunditeds dal mer chauntan las sirenas. Nus rivains fin tal ungli da la vita, inua ch’üna deessa dal mer dumanda il dazi.
La Compagnie Stradini raquinta ün’istorgia commoventa per ün public pretensius a partir da 5 ans: illas quatter linguas naziunelas, cun musica, artistica e sot. Giuvo vain sün, aint in e davaunt ün bus blov da Peugeot.
Gö:
Stefanie Inhelder, Anna Mengiardi, Beat Ryser, Sérafin La Roche, Matthias Hoby, Coralie Quehen und Riet Strähle
Redschia:
Brita Kleindienst
Sanda, ils 6 avuost 2016
a las 18.45
entreda a partir da las 18.15
collecta
Reservationen: Samedan Tourist Information
Tel.: 081 851 00 60
Rolf XXL
Il star dal „I maag eifach nitta“ es giast dals Dis da cultura.
Sanda, ils 6 avuost 2016, a las 20.30
El „maaag“ aunch’adüna. Ed uossa pür inandret: Cun ün tempo ed ün ingaschamaint corporel, chi piglian bod il fled, fila Schmid in sieu program ROLF XXL tres chosas e situaziuns criticas da la vita. El do pajedas e pizchedas a la politica e müda il costüm sül palc aviert. La decoraziun es magari spartana, ma quella es inamöd superpü culla preschentscha impreschiunanta da Schmid.
El fo schnöss, parodescha, muossa intermezs pantomimics e preschainta üna pointa zieva l’otra. Minchataunt è’l malizchus e furb, minchataunt grob e genuin, ma adüna fich divertent.
Nus ans allegrains fich da’Ls pudair preschanter quist an a Rolf Schmid scu nos giast speciel e cun el ROLF XXL, sieu program specielmaing divertaivel.
Sanda, ils 6 avuost 2016 | a las 20.30 | entreda a partir da las 20.00 | predsch: CHF 25.-
Iffaunts fin a 12 ans sun cordielmaing invidos da la societed DIS DA CULTURA.
Reservaziuns: Samedan Tourist Information Tel.: 081 851 00 60
