Retrospectiva 2015

 
 

FORUM ENGADIN - BIBLIOTECA ENGIADINAISA - FUNDAZIUN DE PLANTA
LIA RUMANTSCHA - TINO-WALZ-STIFTUNG - ENGADINER POST
SOCIETED DRAMATICA SAMEDAN - MPC MUSIC PRODUCTION CENTER
HOTEL BERNINA - HOTEL RESTAURANT CROCE BIANCA
ENJOYSTMORITZ.CH

DETAGLS DAL PROGRAM

Avertüra - marculdi 5.8.15 

  • Avertüra ufficiela a partir da las 19.45 (gastronomia a partir da las 19.00)
  • Henning a las 20.15 (entrda libra)

Valeria Zangger
„Bel da pudair suner a chesa“

Musica es ün möd surprendent da svuler. Henning: Que sun sömmis – però cul dantulin dal pè auncha giò per terra. Henning: Que sun la battarista indigena Valeria Zangger e la chantadura Rahel Kraft. Las duos musicistas sun giredas pel muond intuorn, a New York e Paris, ad Istanbul ed in Giapun. Ed uossa sune darcho cò – cun ün mix fascinant chi unescha jazz, pop ed electronica. Cumposiziuns raffinedas animeschan a fer üna tras-cha cull’improvisaziun. La battaria inscuntra la vusch – e fusiunescha cun instrumaints incunvenziunels scu ün ballun u s-chagnas e fuorma üna masdüra squisita da tuns, clings e melodias ligeras. Tuot simpel: Henning. 

 

  • Bibi Vaplan a las 20.15 (entreda libra)

Bibi Vaplan
„Davo cha no eschan passats tras la Svizra, m’allegr eu fich sün ün public chi inclegia meis texts.“

Bibi Vaplan voul dir Bibi, vo plaun. Sieu nom artistic rumauntsch tradescha il motto da Bianca Meyer. El voul animer ad ella svess ed al public da piglier la vita pü pachific. 

Cun curaschi vo ella inavaunt – e tuorna a listess mumaint tar se svess ed illas muntagnas grischunas. Lo chatt’ella inspiraziun in funtaunas fin uossa zuppedas e nouvas perspectivas. Ils texts sun pitschens raquints, poetics, clers, raffinos, chi evocheschan purtrets interns. La musica louva dumandas existenzielas aint in istorgias e reflectescha uschè la vita svess. Ils texts da las chanzuns e lur traducziun as chatta sülla website www.bibivaplan.ch – l’intensited dals töchs discuorra però per se, eir sainza pleds. 

gövgia rumantscha - 6.8.15

  • „Las flurs dil di“a las 20.15 (entreda a partir da las 19.45, gastronomia ca. da las 19.30)

René Schnoz
„Eau stögl confesser sainz’invilgia, cha l’Engiadina am plescha auncha meglder cu la Surselva. Per la peja vains nus ad Arno Camenisch.“ 

I’l töch „Las flurs dil di“, tenor il cudesch cul listess nom dad Arno Camenisch, filosofeschan ils duos amihs Fred e Franz, giuvos da René Schnoz e David Flepp, in möd divertent davart Dieu ed il muond ed impustüt – cu pudess que esser oter! – davart las duonnas.

Citat „Die Südostschweiz“: “Il spiert dad Arno Camenisch es preschaint düraunt tuot il töch, e que na be pervi da la chapütscha cotschna cha Fred porta e cha’s vezza suvenz sül cho da l’autur. Sieus cudeschs sun fats per gnir recitos e giuvos. Perque inchaunta il teater, schabain cha’ls cudeschs da Camenisch forsa nu pleschan uschè bain. A’s clappa cuvaida da dapü.“ Allegrainsa‘ns sün üna saireda suot l’insaina da la lingua e cultura rumauntscha! 

Autur: Arno Camenisch
Teater: David Flepp e René Schnoz. 
Palc: Remo Arpagaus
Producziun: Gianna Olinda Cadonau, co-prod. Teater da Cuira, 
edschia: Roman Weishaupt

Venderdi da visitas - 7.8.15

  • Champ da chaunt: „Kids will rock you“ a las 18.45 (entreda a partir da las 18.15, gastronoia ca da las 18.15)

Selina Fluor
“Da chanter cun 50 iffaunts indigens es già ün evenimaint straordinari, ma da pudair fer que suot tschêl aviert e davaunt üna tela culissa es simplamaing fantastic ed inschmanchabel, pels iffaunts scu pels mneders.“

Il champ da chaunt es ün proget da magistras e magisters indigens. Quist an vain il champ da chaunt mno dad Urs Camozzi, Lena Waack, Laura Wallnöfer e da Selna Fluor. Tuots quatter sun fermamaing collios culla musica e cul chaunt. Cun granda motivaziun muossan els infra ün eivna da chanter las chanzuns, da’s mouver, da fer ritems e da zamrager requisitas, culissas e costüms. Natürelmaing adüna adat al tema cha’l champ da chaunt as do. Quist an es il tema: „Kids will rock you“. Il proget exista già daspö ans e survain culla pussibilted da druver il palc dals Dis da cultura da Samedan üna nouva pussibilted da preschauntaziun. Natürelmaing s’allegra il commitee d’organisaziun già enormameing sülla glieud chi implaregia dal sgür darcho la tribüna ed ils contuorns, ma clermaing s’allegral eir sül grand chor d’iffaunts.

 

  • „Volksschnusig“ a las 20.15 (entreda a partir da las 19.45)

Andrea Zogg
“Nus ans allegrains sülla pü bella val da las Alps (intaunt auncha) e süls Dis da cultura da Samedan 2015.“

Cur cha Andrea Zogg as lamainta in üna chanzun da mel la creppa, ponderescha, che cha flüms pensaregian da cunfins e cu cha’l turissem pudess gnir promovieu, alura as tratta que da temas da Volksschnusig“ da Reto Senn. La Südostschweiz ho scrit: “A s’es adüna darcho stut, in che möd pluffer cha quists trais preschaintan lur sabgentschas ed impustüt, quaunt plufras cha quistas sbgentschas sun alura. Ils trais chantaduors quintan d’ün „strolig muond intermedier“. Quistas istorgias peran adüna d’ir a glivrer in banaliteds catastrofelas. Ma cur cha’s pensa già „Che cacau!“, pigliane la stüerta vers la burla spiritusa.

Nus ans allegrains da’Ls pudair preschanter ad Andrea Zogg e cun el a listess mumaint eir la culminaziun da nos festival culturel da quist an. Bger divertimaint insolit!

Teater: Andrea Zogg, Reto Senn, Christoph Gantert
Texts: Reto Senn
edschia: Paul Weibel

Sanda da DRAUFF - 8.8.15

  • DRAUFF - „IN ENGIADINA“ a las 20.15 (entreda a partir da las 19.45, gastronomia ca. da las 19.30)

Lorenzo Polin
“A la fin: DRAUFF vo „DRAUFF“ als Dis da cultura da Samedan!“

In lur töch „TDRAUFF - IN ENGIADINA“ – aposta sviluppo pels Dis da cultura da Samedan – muossan ils DRAUFFists, che chi saun in chosas da lingua, drama ed impustüt creativited. „DRAUFF - IN ENGIADINA“ resta ün titul da lavur. Il dret titul gnaron be quels a savair chi saregian dalla partida. Il töch tratta dal magister da skis e snowboard Tumasch e da sieus amihs. Tumasch inchascha cun bgera furtüna ed ün pô furbaria il guadagn d’ün turist russ. El güda a sieus amihs a realiser lur sömmis, as deliberescha da sieus debits e scumparta bunamauns generusas. Cur cha sieu sochi argentin al quinta però da las metodas da la Mafia russa, decidane da spüra temma dad ir tal Russ. Ma cun que staune pür al cumanzamaint d’ün’istorgia curiusa, chi tematisescha traunter oter eir clischès engiadinais.

Teater: Claudia Aerni, Marina Kuc, Erik Denz, Silvan Buess, Lorenzo Polin
Choreo / sot: Myriam Gurini
edschia: Lorenzo Polin

dumangia finElA - 9.8.15

  • Any Weiler cun band a partir da las 19.00 (entreda 18.30, gastronomia ca. da las 18.15)

Any Weiler
„Eau am saint adüna darcho attratta da nossa patria tuot speciela: l’Engiadina, Samedan. Il temp, ch’eau d’he passanto lo, m’ho do ün fundamaint sgür per tuot mia vita. Eau m’allegr da pudair turner cun ün sach plain nouvas experienzas.“

E nus ans allegrains sün ella e sün sia grandiusa vusch e musica.

 

  • „Quatter“ a las 20.30 (entreda 20.00)

Myriam Gurini
„Nus ans allegrains sün ün evenimaint da sot incumparabel i’l ajer fras-ch da muntagna“

Aposta pel festival „Dis da cultura da Samedan“ da quist an creescha l’Engiadinaisa, insembel cun trais sotunzas talentedas da l’Israel e la Svizra, ün töch da teater suto multifar, per uschè dir quadrupel. 

Las 4 sotunzas s’occupan culs sentimaints da las duonnas e lur relaziuns cumplexas culla societed e la natüra. Per fer quetaunt vegnan tscherchedas differenzas e concordanzas traunter il temp dad hoz ed il temp d’avaunt 100 ans. Parallelmaing vain piglio suot la marella il numer mistic 4, las 4 fasas da la vita e tschercho influenzas da las 4 stagiuns, dals 4 elemaints e dals 4 temperamaints.

Cun sot contemporaun, ritem e vusch vegnan quists temas intratschulos per creer ün fluid da muvimaints expressivs, chi sto simbolicamaing eir in relaziun cun l‘En. Il böt da las sotunzas es da render pü cuntschaint il sot creativ contemporaun al public engiadinais.

Sot: Reut Nahum, Stefanie Olbort, Nora Werren, Myriam Gurini
Conzept e idea: Myriam Gurini
Coreografia: Las sotunzas e Myriam Gurini