program
dis da cultura da samedan
2018

Gövgia, ils 9 avuost 2018

Avertüra cun potpurri da sketchs & improvisaziuns

Quist an faun part:
- gruppa da teater da scolar(a)s da S-chanf, direcziun: Elvira   
  Pünchera
- gruppa da teater da Segl, direcziun: Andrea Gutgsell
- united speciela da DRAUFF, direcziun: Lorenzo Polin

gövgia, ils 9 avuost 2018 | a las 20.00 | access a partir da las 19.30 | entreda: CHF 25.--
iffaunts fin a 15 ans: CHF 10.--
reservaziun: Samedan Tourist Information tel.: 081 851 00 60

Venderdi, ils 10 avuost 2018

Vernissascha da l‘exposiziun
"Prägung - Druck - Klischee"

Il materiel d’archiv dals ultims 100 ans dvainta viv.

L’Archiv culturel, inua cha la vita dal passo dorma, es il punct da partenza pel proget „Prägung - Druck - Klischee“ da l’artista e magistra d’art al Lyceum Alpinum a Zuoz, l‘idigena Madlaina Fontana.

Madlaina Fontana:
"Hozindi vainsa ün grand numer d’archivs digitels sün clouds u discs dürs. L‘Archiv culturel percunter spordscha materialias concretas cha’s po artisticamaing svilupper inavaunt e fer gnir darcho vivas. A’s chatta bgers documaints, relaschs persunels da glieud steda domicilieda in Engiadin’Ota. Eir la societed da cura da San Murezzan ho surdo sieus s-chazis a l’Archiv culturel per l‘archivaziun, traunter oter clischès vegls dals ans 1900 fin 1970. Quistas plattas da stampa muossan reclama illustrativa da divers sports u eir da „San Murezzan Bagn“ scu lö da guarischun.

Cul cumanzamaint dal turissem s’ho publicho reclama stampeda per attrer la glieud in Engiadina, per exaimpel illa giazetta da quel temp, il „St.Moritz Kurrier“. Ils purtrets muossan, che cha’s po tuot fer in Engiadina e che sentimaint da vita cha que chaschuna. Ils purtrets s’haun derasos fin in Ingialterra, mettand la basa pel turissem. Il materiel stampo da quel temp do perdütta d’ün temp remarchabel.“

Venderdi, ils 10 avuost 2018 | a partir da las 18.00 | endreda libra

Lur impreschiun persunela battida

Düraunt ils Dis da Cultura da Samedan do que üna buda, inua cha’ls visitaduors paun tscherner lur motiv persunel da l’archiv e guarder prototips. Quist motiv po gnir battieu sün ün futtarel pel laptop u pel telefonin u sün ün necessaire. A la buda vain registreda la postaziun individuela, l’elavuraziun succeda alura zieva ils Dis da cultura. Var 50 motivs staun a dispusiziun. Uschè vain miss il materiel d’archiv in ün context tuottafat different. Üna part dal richev dals prodots da chüram vendieus vo als Dis da cultura. Dimena üna grandiusa pussibilted da sustgnair noss‘occurrenza culturela.

FORMULER DA POSTAZIUN

 La buda es avierta da gövgia fin sanda da las 18.00 a las 20.00 e düraunt las posas.  
 

Finischun dal cuors da teater
„Gwundrig“ / „Buonder cun cornas“

Umauns giuvens perscruteschan lur vita e quella dals vegls. Il tema sun las prümas e las ultimas voutas. Eir giuvens haun già gieu diversas premieras, culminaziuns e cumgios. Da che s’allgordane? Cura s’es rampcho per la prüma vouta sün ün bös-ch e nu s’ho pü ris-cho da gnir giò? Cura s’ho cret cha‘l savair chaminer süll’ova saja be üna dumanda da la cretta? Cu es sto il prüm bütsch? E da che s’algordan las senioras ed ils seniors chi daun resposta in intervistas? Cura haune consciaintamaing vivieu ultimas voutas – l’ultim sot furius, l’ultima vouta cret cha sajan immortels? Las istorgias vegnan tadledas, transponidas in teater e rapreschantedas sül palc tridimensiunel.

Suot la direcziun da la renumneda pedagoga da teater Uta Plate s-chaffescha DRAUFF scu societed purtedra cun GWUNDRIG üna nouva spüerta da vacanzas in Engiadina – per entusiast(a)s dal teater ed otras persunas interessedas. Cotres spordschan ils Dis da cultura da Samedan eir il ram per üna finischun degna da quist proget per la promoziun da la giuventüna.

direcziun dal cuors: Uta Plate, coreografia: Myriam Gurini, assistenza: Andreas Bühler, praticanta: Ladina Badertscher

venderdi, ils 10 avuost 2018 | a las 20.00 | access a partir da las 19.30 | entreda: CHF 25.--
iffaunts fin a 15 ans: CHF 10.--
reservaziuns: Samedan Tourist Information tel.: 081 851 00 60

Sanda, ils 11 avuost 2018

Star da flöta Maurice Steger cun:
"Tino Flautino & Kater Leo"

Üna collavuraziun cul Engadin Festival

Il virtuos da flöta Maurice Steger vain quist an al festival cun ün program d’iffaunts. Insembel cull’actura engiadinaisa Annina Sedlacek, la violonista tessinaisa Fiorenza di Donato e’l pianist Jan Schultsz rapreschainta el scu Tino Flautino ün’istorgia musicala cun musica dal baroc da tuot l’Europa – in trais linguas!

Tino Flautino tschainta aint il üert dal chastè, cur cha’l vent al boff’in maun trais fögls da palperi. Notas da bellezza! Be cha que do ün problem: Il töch, chi plescha uschè bain a Tino, nun ho üngüna fin. Ün fögl pera da mancher. E perche cha Tino es telmaing inchanto dals tuns, as metta’l in tschercha. Traunter oter in Germania, inua ch’el inscuntra a Johann Sebastian Bach – ma dad el nun es la musica sgür na. Alura svoula’l a Londra ed al chastè da Versailles. E neir tar cumponists a Venezia nun ho’l success. Inavaunt vo que a Napoli – e lo fo’l amicizcha cul bel giat alv Leo Leonardo chi so tuot da la cited. Cun sieu agüd tschercha’l il fögl pers.

Ün’istorgia da Jolanda Steiner, 2018

Prüma rapreschantaziun a las 11.00

tudas-ch svizzer & rumauntsch

Ils partecipant(a)s dal Ferienspass as radunan a las 10.40 i’l suler da la sela cumünela da Samedan.

access a partir da las 10.45 | entreda: iffaunts: CHF 5.--, a partir da 16 ans: CHF 30.--
Per detagls e la cumpra da bigliets, per plaschair clicker CÒ.

Seconda rappresentazione alle ore 14:00.

I partecipanti del "Ferienspass" si radunano alle ore 13:40 davanti alla sala comunale di Samedan.

La cassa verrà aperta 45 minuti prima dell'inizio del concerto. I visitatori potranno accedere alla sala 15 minuti prima dell'inizio del concerto. Per evitare disturbi durante la produzione non sarà possibile accedere alla sala dopo l'inizio del concerto ma solamente durante la pausa oppure a fine produzione.

Accesso: 13:45. Prezzi dei biglietti: Bambini CHF 5.-, a partire dai 16 anni CHF 30.-.
Per ulteriori dettagli e per l'acquisto biglietti cliccare QUI.

Referats davart
l‘Archiv culturel
d’Engiadin‘Ota

Üna collavuraziun cul Archiv culturel d’Engiadin‘Ota

L' Archiv culturel d’Engiadin’Ota es gnieu fundo als 11 avuost 1988 a Samedan, dimena precis avaunt 30 ans. Il local, cha's vaiva piglio a fit i'l Ospidel vegl, eira però bainbod memma pitschen da spüras archivalias preziusas. Ed uschè ho l'archiv dal 1991 fat müdeda illa venerabla Chesa Planta da Samedan. Hoz cumpiglia l'archiv ün foyer sül plaun terrain ed ündesch locals da deposit suotterrauns, inua cha's rechattan millieras da chartas, fotografias, plauns, disegns, publicaziuns etc. in connex culla cultura da las famiglias engiadinaisas e culla natüra. L'Archiv culturel d'Engiadin'Ota es ün'instituziun da pionier cun caracter da model. Il sistem online d'inventarisaziun cun purtrets collia l'Engiadina sainza cunfins cun tuot il muond. Cun exposiziuns, cudeschs ed occurrenzas vain la richa cultura engiadinaisa preschanteda a l'intern ed a l'ester.

In occasiun dal giubileum - als 11 avuost 2018 a las 16.00 - haun lö referats da l'archivar chantunel Reto Weiss ed otras persunaliteds. Impü vegnan preschantedas archivalias particulermaing preziusas.

sanda, ils 11 avuost 2018 | da las 16.00 a las 19.00 illas localiteds da l’Archiv culturel d’Engiadin‘Ota e da la Chesa Planta | entreda libra

Festival dal rir da schlupper:
Rob Spence cun "Mad Men"

Cun sieu nouv program «Mad Men» zofla Rob Spence suravi il palc scu ün urican da cumedgia. Cun sias capriolas bütta’l suotsur il muond e fo cruder giò dals s-chabels als spectatuors.

Dapü tempo, dapü culuors: comica, gestica e mimica galoppan d’ün gag a l’oter. «Mad Man» fo svuler las zinslas, saja que scu pitschen chejinchotschas dopo aint il ring da boxer, saja que scu rapper sülla plazza da golf, scu Mexicaun our d’clocha u scu camarier svizzer. Dudesch homens ed ün dragun, giuvos d’ün‘unica persuna.

Ch’Els giodan üna saireda da rir da schlupper cun Rob Spence, il maister da la Physical Comedy, in «Mad Men».

sanda, ils 11 avuost 2018 | a las 20.00 | access a partir da las 19.30 | entreda: CHF 25.-

Dumengia, ils 12 avuost 2018

Brunch da giubileum

a las 10.00
bivgnaint & avertüra dal büfè
( iffaunts fin 15 ans pejan taunts francs cu ch'els haun ans d'ted, a artir da 16 ans e per creschieus es il predsch per persuna CHF 23.- )

program da giubileum ed informaziuns

Las sours Elisabeth, Marie, Nina ed Anna de Planta haun fundo dal 1942 la Fundaziun de Planta da Samedan cul böt da render accessibla al public la Chesa Planta cun sieu inventar. Dal 2018 ho lö il giubileum da 75 ans da quist act. Üna mira da la fundaziun es da mantgnair e promouver üna biblioteca rumauntscha publica. Impü dess la fundaziun perseguiter eir oters böts sumgiaints per promouver la lingua e cultura retorumauntscha.

Düraunt ils prüms decennis s'ho la fundaziun restretta d'avrir pel public la biblioteca ed il museum d'abiter, inua cha'l giast vezza la cultura d'abiter originela da las famiglias nöblas dal 18 e 19evel tschientiner. Daspö ils ans 70 organisescha la fundaziun mincha sted ün cuors da rumauntsch chi ho rendida cuntschainta la Chesa Planta a numerus partecipants svizzers ed esters. Daspö ils ans 80 haun regulermaing lö occurrenzas culturelas. Ils locals attractivs ed eir la crapenda impreschiunanta vegnan pü suvenz trats a nüz per exposiziun.

Quist giubileum dess d'üna vart trer adimmaint la naschentscha d'üna fundaziun culturela importanta per l'Engiadina ed a listess mumaint der andit e la pussibilted da repusiziuner la fundaziun e sieus intents e da l'avrir auncha dapü pel public.

La Fundaziun de Planta saregia preschainta cul directur dalla Chesa Planta, sar Robert Grossmann chi daregia eir ün concert in onur dals giubileums insembel culla flötista Ursina Brun.

sponsoriso dalla Fundaziun de Planta
 

Maisa da las curiositeds | da las 10.00 a las 14.00
Tres stereoscops spüerts da l’Archiv culturel d’Engiadin’Ota as po admirer cuntredgias tridimensiunelas, scu avaunt 100 ans. Impü sun in vendita qualche cudeschs nouvs e vegls, e l’exposiziun "Prägung - Druck - Klischee" da Madlaina Fontana es avierta da las 10.00 a las 14.00 aint ils deposits da murütsch da l’Archiv culturel

L' Archiv culturel d’Engiadin’Ota es gnieu fundo als 11 avuost 1988 a Samedan, dimena precis avaunt 30 ans. Il local, cha's vaiva piglio a fit i'l Ospidel vegl, eira però bainbod memma pitschen da spüras archivalias preziusas. Ed uschè ho l'archiv dal 1991 fat müdeda illa venerabla Chesa Planta da Samedan. Hoz cumpiglia l'archiv ün foyer sül plaun terrain ed ündesch locals da deposit suotterrauns, inua cha's rechattan millieras da chartas, fotografias, plauns, disegns, publicaziuns etc. in connex culla cultura da las famiglias engiadinaisas e culla natüra. L'Archiv culturel d'Engiadin'Ota es ün'instituziun da pionier cun caracter da model. Il sistem online d'inventarisaziun cun purtrets collia l'Engiadina sainza cunfins cun tuot il muond. Cun exposiziuns, cudeschs ed occurrenzas vain la richa cultura engiadinaisa preschanteda a l'intern ed a l'ester.

sponsoriso dal archiv culturel d'Engiadin'Ota

staziun mobila da stampa | da las 11.30 a las 14.00
cun Madlaina Fontans aint illa tenda dals tregants sülla Plazza Planta

sponsoriso dal Lyceum Alpinum Zuoz
 

lavuratori d’improvisaziun | da las 13.30 a las 14.30
cun Lorenzo Polin sülla Plazza Planta u da trid’ora aint illa sela da la pravenda refurmeda (tuots sun bainvgnieus)

2014 d'eira cu prüm DRAUFF la societed purtedra dals Dis da cultra da Samedan, intaunt es DRAUFF bepü societed da producziun e da promoziun chi financescha eir il cuors da sted da quist an "buonder cun cornas" chi survain als 10 avuost tals Dis da cultura da Samedan sia granda finischiun. DRAUFF metta a disposiziun als Dis da cultura da Samedan sia pagina internet per la publicaziun dal program.
DRAUFF gratulescha als Dis da cultura da Samedan per sieu 5evel anniversari.

sponsoriso da DRAUFF

agüdauntAs | 10.00 - 14.00
Nos partenari technic, mpc music production center, nu festagescha be sieu egen giubileum da 15 ans existenza, deimpersè metta eir a disposiziun agüdauntas ed agüdaunts tar nossas festiviteds.
Nus ans allegrains d'avair ellas ed els tar nus.

sponsoroso da mpc music production center